【Now新聞台】截至早上11點,1小時内《彭博》用戶關注度上升最多的港股,依次為龍源電力、華能國際電力、華潤電力、石藥集團及龍湖集團。
北水噚日再掃3隻今日上榜嘅電力股,當中華能國電錄得淨買入2631萬元,帶挈板塊集體上升,其中潤電更破頂,一度高見25.3元。
富昌證券聯席董事譚朗蔚表示,潤電、龍源分別係火電、風電「一哥」,加上潤電有轉型概念,龍源啱啱獲中證監批准喺A股合併內蒙古平莊能源,消息會繼續利好兩隻股份。
Stevan又指,冬季係用電旺季,而最近生產鏈上游通脹持續,相信有加電費空間,紓緩成本上漲問題,變相利好板塊。佢認為,電力股板塊走勢穩定,又有國策扶持,長遠仍睇好電力股。