【Now新聞台】截至早上11點，1小時內《彭博》用戶關注度上升最多的港股，依次為中國鋁業、中國恒大、富力地產、旭輝控股、港交所。
外電再傳內地計劃將中鋁與五礦集團等礦企合併，其實早於9月底已傳出呢個消息，目標是打造一家超級稀土國企，對環球電子產品供應鏈會唔會帶嚟衝擊？
圓通環球金融集團行政總裁曾永堅指，呢個消息其實影響唔大，近期中美關係處於緊張狀態，喺政治角力下，中央點樣維持重要戰略產業嘅定價權、供應權等，從而擁有討價還價嘅籌碼，呢啲係非常重要。
中鋁股價排反覆下行，有指呢個消息可以刺激股價反彈，Jasper就話，由於房地產活動持續放緩，令鋁需求下降，加上消息未經證實，所以對股價嘅刺激作用唔大。
