【Now新聞台】截至早上11點，1小時內《彭博》用戶關注度上升最多的港股，依次為濰柴動力、中國東方教育、永利澳門、中國石油化工、特步國際。
受內地限電限產影響，濰柴股價表現喺8月開始一直唔好，但噚日內地出咗上個月製造業PMI，指數上返50樓上後，濰柴股價今日一度升超過8%，上返15元樓上，係咩原因令濰柴股價急升？
大華繼顯執行董事梁偉源認為，濰柴抽升應該唔關PMI事，反而同氫能源概念有關，濰柴年中時已經講過會搞氫電池，今日終於炒起股價。
Steven亦睇好氫能源嘅發展，因為氫嘅潔淨度較高，又唔似風能、太陽能咁依賴自然現象，佢認為氫能會係全球環保能源發展嘅一大重點。
