【Now新聞台】截至早上11點，1小時內《彭博》用戶關注度上升最多的港股，依次為兗州煤業、華潤電力、中國奧園、滔搏、安踏體育。
發改委指，一系列穩供穩價措施有成效，現時煤日產量穩定喺1200萬噸以上，創近年新高，市場認爲穩定供應後就唔使再遏煤價，今日喺內地及香港上市嘅煤炭股齊升，其中兗煤不論升幅還是成交都係一枝獨秀。
京華山一國際研究部主管彭偉新認爲，依家煤價仲未穩定，雖然煤礦產量增加，但如果天氣進一步轉冷，有機會電煤供應短缺情況會再出現，再次推高煤價，而兗煤係煤炭股中對煤價最敏感，所以炒利好煤價消息時，兗煤彈力會比較強，市場對佢關注度亦最高。
