【Now新聞台】截至早上11點，1小時內《彭博》用戶關注度上升最多的港股，依次為：龍源電力、中國石油、中國恒大、中國石油化工、恒生銀行。
龍源年初向內地一家叫平庄能源嘅公司發A股，變相合拼食咗呢間公司，又收購母公司中國能源投資嘅項目，以配合國家新能源發展，邁向AH股之路。
京華山一國際研究部主管彭偉新指，喺國家支持下，新能源嘅發電佔比不斷提升，整個板塊裝載量、設備投放都有增長，增加規模效益，令市場再支持風電力等新能源板塊。
彭偉新指，資金再流入相關板塊，相關股份升返上去，龍源股價喺利好消息帶動下持續偏強，今日更突破4月個頂，上返上高位只係時間問題。
