【Now新聞台】截至早上11點，1小時内《彭博》用戶關注度上升最多的港股，依次為快手、小米集團、中金公司、新東方在綫、中國人壽。
快手股價今朝一度低見206元，公司上季虧損擴大至超過577億人仔，銷售、營銷開支升幅遠超收入，雖然多間大行即削快手目標價，但滙豐證券、中金公司、美銀目標價仍超過300元。
京華山一國際研究部主管彭偉新指，快手虧損擴大，加上有消息指，中央會立法規管直播「帶貨」，喺短期不確定性及恐慌下不問價掟貨，不過，亦有大批活躍投資者趁低吸納，令快手有近3億元資金流入，佔整體流入科技股嘅資金嘅比重都唔細，佢估計，快手可能要跌穿200元先有得彈。
