【Now新聞台】截至早上11點，1小時内《彭博》用戶關注度上升最多的港股，依次為建設銀行、領展房產基金、中國石油化工、廣汽集團及吉利汽車。
領展股價4連升，累升逾7%，今日繼續跑贏大市，集團喺近日舉行嘅投資者日指出，明年開始旗下商場租金會錄得低單位數升幅。
大華繼顯執行董事梁偉源指，美國息差擴寬會利好領展股價，加上市場認為本港疫情持續改善，商場人流逐漸增加，加上政府派發5000元消費券，呢啲利好消息刺激領展股價升上1個月高位。佢又話，領展主業同民生有關，唔會太受通關、疫情影響，會係第一批復甦股，加上業務有一定增長空間，前景比高檔零售或地產股更好。
