【Now新聞台】截至早上11點，1小時內《彭博》用戶關注度上升最多的港股，依次為禹洲集團、小米集團 、嘉里物流、國藥控股 、舜宇光學。
禹洲預期，雖然去年純利顯著下跌，但會維持派息。2020年疫情前，集團純利連續五年錄得增長，但今次罕有發盈警，禹洲話，疫情下物業開發受疫情所影響要押後，股價今早一度低見2.79元，似乎係盈警拖累。
圓通環球金融集團行政總裁曾永堅認為，以禹洲規模計，非大型發展商或者集中喺某個地區嘅發展商，市場難以消化禹洲盈利大倒退係受疫情影響。禹洲股價今日裂口下跌，揸住禹洲嘅投資者先行沽貨離場，主要係有不明朗同埋不確定因素。
