【Now新聞台】截至早上11點止，《彭博》Top Search No.1為合景泰富，第2至第5位為康希諾生物、舜宇光學、海隆控股及海底撈。
合景泰富今早一度升9%，突破今年嘅三頂。喺上周五，標榜全球最大投資群組嘅網站Seeking Alpha又有專欄睇好佢，引述公司今年銷售目標達千億元人民幣，認為係股份價值獲得重估嘅重大動力，又提到有機會分拆物管公司嘅消息……
圓通環球金融集團行政總裁曾永堅指，目前合景泰富最大賣點就係分拆物管上市。睇返分拆出嚟嘅物管都處於「水漲船高」嘅狀態。而市場普遍都俾物管股呢類輕資產較高嘅估值，所以分拆嘅概念增加咗投資者價值重估嘅動力。
