【Now新聞台】截至早上11點止，《彭博》Top Search No.1為中國恒大，第2至第5位為中國平安、安踏體育、騰訊控股、比亞迪股份。
海洋公園已經連蝕四年，港府決定撥款106億元拯救，未來會打造七大主題區。公園希望2027/28財政年度入場人次可以重上750萬，甚至返番去2012/13年度時嘅高峰770萬人次。
從主題景點國際權威TEA嘅數據睇到，亞太區之中，海洋公園嘅入場人次喺2012年時排第四名，而香港迪士尼就排第六。去到2018年，海洋公園排名已經跌至第十名，而香港迪士尼就維持喺第六名。
陪伴住好多香港人成長嘅海洋公園，近年受歡迎程度大幅下滑，加上要面對中國嘅競爭，呢次計劃大翻新可唔可以挽救到海洋公園呢？大家要拭目以待。
