【Now新聞台】截至早上11點，《彭博》系統Top Search No.1是港交所(00388)，第2至第5位依次為廣汽集團(02238)、兗州煤業(01171)、中國太平(00966)及瑞聲科技(02018)。
此外，中興通訊(00763)雖然榜上無名，但《彭博》用戶關注度就上升得最多。中興H股一度升逾11%，升上一個月高位、A股亦勁升7%。
Winnie話，雖然美國四大電訊商之一嘅T-MOBILE表明唔會採用華為或中興嘅設備，但中興今日都有得升，因為除咗三星會發布可摺疊屏幕手機外，中興都有新產品登場，估計會主打類似手表嘅可穿戴手機，所以市場都有憧憬新產品可以抵銷T-MOBILE嘅壞消息。
