【Now新聞台】截止早上11時止，《彭博》系統Top Search No.1為興業太陽能，第2至5位依次為港鐵公司、騰訊控股、紫金礦業及中煤能源。
昔日「股王」滙豐控股近期股價一浪低於一浪，昨日見逾一年低位，雖然今日股價靠穩，但反彈力度有限。另外，滙控股價多數同美國十年期國債孳息率同步，但最近就出現背馳，觀乎過去數據，似乎幾次大跌市前，都有呢個現象。
Now財經台評論員趙善真直言，滙控早就已經風光不再，但仍然係基金睇重嘅股份，所以都有一定啟示作用。趙Sir又話，滙控仲係好受北水歡迎，因為對佢地嚟講係有種情意結，而且滙控仍然係較穩陣嘅股份，不過投資者都要小心可能會賺息蝕價......
