【Now新聞台】截至早上11時止，《彭博》系統Top Search No.1是裕元集團，第2至第5位分別為協鑫新能源、廣汽集團、中國平安及中國建材。
新鴻基地產宣布拆細，以噚日收市價計，入場費由12.78萬元減至6.39萬元，其實都唔算平，新地話希望吸引更多投資者。之前騰訊控股、吉利汽車同舜宇光學拆細，股價都有好表現，個別仲見過新高，新地會唔會步佢哋後塵？
Now財經台評論員趙善真話，新地依家都做地產，但已經唔係主力，反而收租同profit sharing先係主要收入來源，依家零售復蘇一定利好新地。股價方面，趙Sir話，拆細後有冇得升好難講，但現價120幾蚊平定貴、收租前景點，呢啲都係有數得計。
