【Viu】女團Lolly Talk其中4位成員Sinnie、Elka、Yanny同阿Yo今日出席化妝品品牌活動，「波板糖」梗係出盡力撐啦！佢哋公投Elka係化妝達人，更有「Lolly Talk化妝師」之美稱，試過其手勢嘅阿Yo激讚！至於團內最貪靚、成日照鏡嘅⋯佢哋全投Tania，真係眾望所歸啦！
新歌《四方帽之約》即將推出，早前8女專登飛去台灣拍MV，呢次亦係佢哋首次出trip做嘢，Sinnie直言經過此行後，成員們之間嘅感情再昇華，達到起雞皮級數！而被笑係「劇透擔當」嘅阿Yo繼續發功，透露MV係分組拍攝，佢就係同Yanny一group，拍攝期間體感溫度達42度，所以係超難忘！想知佢哋仲爆咗啲咩MV內幕？想唔想拍團綜？有咩idea？訪問嚟啦！
