【Viu】Jay Fung馮允謙噚晚完成首場處男紅館騷《JAYPOP LIVE@COLISEUM 馮允謙演唱會2023》，打頭陣帶嚟《地球來的人》，之後就即刻除咗件褸唱《開始倒數》，中間仲以粗碌麒麟臂表演打鼓，喺現場真係睇到心心眼㗎！
上次Jay Fung開九展騷就請嚟Asha徐㴓喬擔任固定嘉賓，今次紅館騷就有大馬女神林明禎！二人喺鋼琴前大跳貼身舞，有齊捉手仔、攬腰、摸心口、身貼身，wow！但都唔夠個ending pose惹火！
另外，Jay Fung爸爸、媽媽、孖生細佬Tim坐台下支持，未婚妻Crystal亦激罕現身撐場，佢哋都有送花籃表愛意！
