【Viu】賀歲片《超神經械劫案下》噚日舉行宣傳活動,「皇上」張敬軒、「皇后」Ivana王菀之、Jeffrey魏浚笙、阿正、洪嘉豪、豪Dee、楊天宇、阿雞邱頌偉、郭思、張明偉等,同現場近千名fans提早賀歲,場面爆墟冚!同fans玩寫對聯遊戲,用「超神經械劫案下」做上聯,阿正仲爆seed寫出下聯「全部男人聽我話」笑爆全場!
講到裸跑場戲,軒仔講笑話係見到Ivana喺度先除俾佢睇,話想佢睇啲養眼嘅嘢喎!真係笑死!不過提到派福利,軒仔就先射波畀Jeffrey、再抵死問Ivana有冇泳衣,反問番佢會唔會騷泳褲?佢竟然say yes,大前題係大家唔怕新年流流見到污糟嘢!而Jeffrey就希望票房早日破3千萬,事關之前軒公接受訪問時講過,如果破3千萬票房就會日日跟佢做gym,到時就可以同軒公日操夜操嘞!
數到最興奮嘅就非阿正莫屬,攞正牌睇仔大飽眼福,甚至自爆篤過Kaho個「靚股」,大讚又firm又圓又實!講到Kaho冇參與裸跑戲份,佢自嘲身材唔夠好所以剩係露pat pat,而「品仔師」阿正仲話其實白只「全相」先係最養眼!真係估佢唔到啊!