【Viu】泳兒近排除咗忙住為新歌《18部半》宣傳，仲要為下個月嘅九展騷《泳兒VINCY CHAN BREAKING LIVE 2022》排舞練歌，噚晚佢開live同大家分享吓近況，師兄張敬軒都有加入派咗好多開騷錦囊，由演出嘅心理狀態、聲帶保養到飲食，軒公都無私同泳兒Share，泳兒亦把握機會碌埋人情咭，問軒公可唔可以做佢嘉賓添！軒公係出名嘅「樂壇社工」呢晚俾唔少鼓勵泳兒，仲搞到師妹眼濕濕呀。泳兒話為咗呢個騷花咗唔少心機，亦坦言曾經擔心賣唔曬啲飛，軒公提醒泳兒要enjoy自己嘅舞台，對得住觀眾同自己就足夠啦！
