【Viu】蘇志威闊別螢幕17年,最近有份演出ViuTV原創劇《冥冥之中》,佢話非常好玩又得意呀!之前因為長年要做演唱會tour,冇檔期拍劇,所以今次返入公仔箱要特別投入。蘇老闆喺劇入面飾演人口控制公司特使,為咗個角色佢專程度身訂造西裝,仲認真到同劇集嘅美指一齊研究添呀!佢話咁多年無拍劇,下一次又唔知幾時先會再拍,所以出動私伙衫,揀咗好多戰衣出嚟,有啲仲係收埋咗好耐嘅經典靚衫,又咁啱可以fit返劇入面唔同嘅年代。
蘇老闆咁多年嚟一向以草蜢組合活動為優先,所以曾經唔敢接武打戲。有次《葉問》想搵佢拍,但草蜢就嚟開演唱會,考慮到如果啲手腳撞傷撞瘀,有咩事就上唔到台,即使有幾想同甄子丹合作都好,佢都唔敢冒呢個險,最後都忍痛推咗。所以今次有機會拍打戲,真係大過戲癮喇!
蘇志威17年後再拍劇 出動私伙戰衣 為草蜢推卻與甄子丹合作機會