受疫情影響，張敬軒去年底舉行的18場紅館演唱會要腰斬，餘下8場騷被迫延期。今日英皇娛樂宣布持票觀眾可選擇於3月31日前退票，而延期或補場安排延至4月下旬公布。在社交平台消失近一個月的軒公今日則重新「上水」，表示悠長假期結束，正式復工。
軒公的「Social media detox 」終於告一段落，今日他在IG上載開工自拍短片，寫道：「大家喺疫情之中要平安。多啲了解疫症嘅相關知識，同各階段嘅治療方法，小心謹慎但係唔好過份擔心緊張，因為壓力因素都會影響免疫系統。我喺呢個長假期間，俾咗好多時間自己同自己相處，有聆聽，有傾訴，有爭執，有和好又有擁抱。之後慢慢再分享。無論你的思想上、身體上，抑或Testing Kit嘅test device上係Negative定Positive，我哋都一定可以一齊捱得過！#頂住呀 #一定會好㗎。」
Photo / Instagram@hinscheung
原定今年1月6日至10日、1月13日至15日舉行，共8場的《The Next 20 Hins Live in Hong Kong 張敬軒演唱會》因為疫情延期。今日英皇宣布，持票人士可於2022年2月24日至3月31日前申請退票退款，並請等待補場的觀眾保留完整門票，留意主辦方4月下旬公布後續安排。
Photo / 大會提供
Photo / Instagram@hinscheung、大會提供
