0
0
〈娛樂乜乜乜〉不在乎天長地久,只在乎大量持有

〈娛樂乜乜乜〉不在乎天長地久,只在乎大量持有

【now.com娛樂】周焯華(洗米華)有個老婆,再加個Mandy Lieu,旁人如我,睇到都覺得煩,但佢都好似未夠喉,攬一攬松岡李娜,又傳佢多個小四。雖然女方否認咗,但都唔知係咪真,有錢佬啲嘢,食咗唔通講你知?

Mandy同松岡都係模特兒出身,都在香港發展,咁啱兩個我都見過,各自在未成名前做過幾次訪問(松岡算係呢幾日先真正成名)。佢哋嘅氣場係有啲共通點嘅,首先兩個都好索,係好多男人見到會勁心跳嗰類型;兩個廣東話都唔太純正,但又好夠膽講,似鬼妹仔又鬼妹唔晒,講嘢方式好親切,就好似女版嘅任賢齊咁,佢一開聲你絕對唔會討厭佢先囉;兩個都令人(男人角度)有一種想去親近嘅感覺,一來隨和(但聞說Mandy自從開公司後已變成臭四,不再隨和),二來識得瞪大雙眼聽你講嘢,定力低啲,都被勾魂奪魄。而最特別嘅共通點,兩個人都有好重嘅傻氣,在某啲人眼中呢啲叫做好玩得,我就唔敢肯定係咪啦,點知係真定假?反正都冇我份,何需深究?

即如果周生對女仔有固定口味的話,松岡應該都係佢杯茶,佢比Mandy Lieu更有活力(我其實想形容為「更癲」)、更淘氣。我自己就唔會想追呢類人,一來唔啱feel,二來當然係有自知之名,Handle唔到,但原來好多人都喜歡駕馭呢啲野馬。好似我有個朋友,老闆級嘅,搵到啲錢,住大屋揸靚車有靚老婆仲有個乖仔。某日摸酒杯底,兩個男人坐埋一齊梗係講女人,佢叫我要多啲出去見識吓,外面啲女人靚到我唔信,個個都好似model咁。但我咁嘅身世,都死咗呢條心好耐,加上咁啱,我又唔太鍾意model,我比較鍾意啲小家碧玉。其實佢老婆都捉得佢好緊,所以成日都向我呻冇乜空間,想出去玩,我明嘅,但我就唔明點解仲想包多個小三,已經氣都冇得抖,仲搵多個人綁住自己?

佢語重心長咁講:「阿連,到你有成就,有錢,你就明外面個世界唔一樣,身邊啲女仔真係會全部upgrade晒,你會想擁有佢哋!如果我係洗米華,我就唔止包Mandy Lieu一個啦!」到而家,我都唔太明呢番說話,可能因為仲未有成就同有錢啦,但我就了解到,有啲人有錢就會身痕,忍唔到嘅。所以周生今次就算唔係真係同松岡,將來都會有另一個,天性嚟嘅。

文:魯連

〈娛樂乜乜乜〉逢星期一至五刊登
將每日的娛樂熱話,以全新角度為大家點評,大膽假設,細心求笑,希望滿足到去到邊度都好鍾意睇娛樂新聞的你。

專欄屬作者個人意見,不代表本網立場

  1. 更多
  1. 【出境高峰】多個陸路口岸逼滿離境人潮 港珠澳金巴大排長龍
    【出境高峰】多個陸路口岸逼滿離境人潮 港珠澳金巴大排長龍
    2小時前
  2. 【現場報道】復活長假多個口岸逼滿離境人潮 有市民見人多折返
    【現場報道】復活長假多個口岸逼滿離境人潮 有市民見人多折返
    2分鐘前
  3. 台北素食餐廳中毒案 第二名死者亦驗出米酵菌酸
    台北素食餐廳中毒案 第二名死者亦驗出米酵菌酸
    27分鐘前
  4. 小林製藥高層就服用紅麴保健品致死風波鞠躬道歉
    小林製藥高層就服用紅麴保健品致死風波鞠躬道歉
    29分鐘前
  5. 尖沙咀有商場推無消費免費泊車五小時吸客
    尖沙咀有商場推無消費免費泊車五小時吸客
    31分鐘前
  6. 兒子捲召妓醜聞 台防長邱國正請辭獲挽留
    兒子捲召妓醜聞 台防長邱國正請辭獲挽留
    32分鐘前
  7. 長假遠行 機場高鐵站逼滿人
    長假遠行 機場高鐵站逼滿人
    43分鐘前
  8. 【長假首日】港珠澳大橋搭金巴排三小時 羅湖落馬洲人頭湧湧
    【長假首日】港珠澳大橋搭金巴排三小時 羅湖落馬洲人頭湧湧
    47分鐘前
  9. 香港棍網球公開賽 港男女隊首戰報捷
    香港棍網球公開賽 港男女隊首戰報捷
    1小時前
  10. 職津金額4月1日起加15%
    職津金額4月1日起加15%
    1小時前