【now.com】近年唔少星B出世,星媽們都樂於分享湊B軼事,網民就好似一齊睇著BB大一樣。好似官恩娜(Ella)囝囝Gabriel(bébé G),原來唔經唔覺已經8個月大,最近更開始學行!不過活動範圍大了,危機就愈來愈多。Ella就話bébé G昨日唔小心撞親個頭,一小時後更開始嘔吐,要去醫院檢查,好彩最後冇大礙。
事後Ella當然好擔心,佢即刻將屋企變陣,移走有潛在危機嘅物品。Ella又準備了一頂安全帽畀bébé G,提供全方位保護,確保同類事情唔會再發生。不過,Ella強調唔會「斬腳趾避沙蟲」,bébé G唔會被困於「BB監獄」,可以繼續自由探索。