【now.com】中國星老闆向華強妻子向太（陳嵐）雖然鬧爆美國樂壇天后麥當娜（娜姐）耍大牌、唔守時，但昨晚仍然有非常多圈中人入場朝聖，仲大讚娜姐專業，今日陸續於社交平台上分享自己觀後感。
莊思明就同孖生家姐莊思華去睇，她以震撼形容娜姐舞台：「這是我看過最正的演唱會！ Madonna真是一個全能歌手，她的實力令我非常佩服！」莊思明仲話佢終於明白「台上一分鐘，台下十年功」，讚娜姐好用功勤奮。楊愛瑾（Miki）就直認自己對娜姐的歌不太熟悉，但仍然被感染到。仲有譚凱琪（Zoie）、陳敏之、徐子珊等藝人都有入場，個個都讚不絕口，話非常難忘。 至於頭號麥當娜fans蔡一傑當然都有入場，雖然月初先睇完台灣場，但蔡一傑表現仍然興奮，仲同傳媒表示會睇埋今晚尾場，支持到底。
係，雖然娜姐比開場時間遲咗2小時20分，但兩小時的演出贏盡掌聲。（微博截圖）
莊思明話好佩服娜姐。（微博截圖）
譚凱琪仲影到手機冇電。（微博截圖）
娜姐充滿感染力，令唔太認識佢嘅Miki都睇得興奮。（微博截圖）
等開場的時候，森美就自娛，就角度玩自拍。（微博截圖）
蔡一傑之前專登飛到台灣睇娜姐演出，順道為自己祝生日。（微博圖片）
身為鐵粉，蔡一傑香港一連兩場都會睇。（微博截圖）
