【now.com】中國星老闆向華強妻子向太(陳嵐)雖然鬧爆美國樂壇天后麥當娜(娜姐)耍大牌、唔守時,但昨晚仍然有非常多圈中人入場朝聖,仲大讚娜姐專業,今日陸續於社交平台上分享自己觀後感。
莊思明就同孖生家姐莊思華去睇,她以震撼形容娜姐舞台:「這是我看過最正的演唱會! Madonna真是一個全能歌手,她的實力令我非常佩服!」莊思明仲話佢終於明白「台上一分鐘,台下十年功」,讚娜姐好用功勤奮。楊愛瑾(Miki)就直認自己對娜姐的歌不太熟悉,但仍然被感染到。仲有譚凱琪(Zoie)、陳敏之、徐子珊等藝人都有入場,個個都讚不絕口,話非常難忘。 至於頭號麥當娜fans蔡一傑當然都有入場,雖然月初先睇完台灣場,但蔡一傑表現仍然興奮,仲同傳媒表示會睇埋今晚尾場,支持到底。