【now.com】繼《橫店Hip Hop》後，黎明又一鉅獻，剪了一條《老黎拜年》，睇完真的笑到合唔埋口，今年一定非常老黎。這條片其餘三大天王都有「被客串」，一開場就以《夏日傾情》歌詞玩問答，「是你嗎？（學友：唔係我呀。）是你嗎？（城城：唔係我喎。）是你嗎？（華仔：唔係我呀。）而學友臨尾攝多個鏡頭，贏咗華仔同城城，似乎黎明同學友是friend底。
這條片，真的要睇，好多人睇完都有疑問，黎明是否撞親個頭，癲咗？我就覺得，好似《呆佬拜壽》一樣，有時人傻更惹人喜愛，何必管他真傻定假傻？黎明之前都rap過：「鍾意就鍾意，唔鍾意就唔鍾意，唔好講咩L-I-K-E！」就是這道理。
以前四大天王爭崩頭，fans也在較勁，通常鍾意黎明的，都被認為是只會睇外表的膚淺女人；學友是另一極端，完全是品味的呈現；華仔是介乎兩者之間，不喜歡的覺得他中庸，喜歡的說他完美；至於郭富城嚴格來說是不算太入流的。
來到四大天王的第二春，華仔在電影圈有極大影響力，城城也已晉身影帝級，學友和黎明比較滯後。學友慎選工作，而黎明幕前工作已甚少，做唱片公司老闆手法又奇特，人氣常靠金句支撐。
但來到2016年，黎明要爆了！香港人不是常常有機會得到這種地位的人物放下身段與眾同樂，而且是以他的真性情去跟你玩。以往黎明常給人悶到爆的感覺，所以貪玩的樂基兒移情別戀也很合理，但現在則會覺得樂基兒完全是走了寶！天生的幽默感和豁達實在千金難求。這一刻，其餘天王相比之下，華仔顯得太勤力無趣，城城太貪戀物慾和皮囊，學友太深閨。「我豁達，所以我不介意別人說我不豁達」這句金句原來是真的，有這種心胸，即使跑幾多里路，也很難輸。當年受到白眼的黎明fans，忍辱負重，今天終於可以威威了。
《老黎拜年》
《橫店Hip Hop》
文：魯連
〈娛樂乜乜乜〉逢星期一至五刊登
將每日的娛樂熱話，以全新角度為大家點評，大膽假設，細心求笑，希望滿足到去到邊度都好鍾意睇娛樂新聞的你。
