【now.com】「爭米」大戰早前告一段落,不過隨著Mandy Lieu前日返港,以極速16小時令正印Heidi陳慧玲正式宣布離婚,「洗米華」周焯華今早帶一對仔女去日本旅行,順便向二人交代離婚一事,這場連續劇又有新進展。
Mandy Lieu似是打贏此仗,以為等埋正印分身家,大家就冇花生食,豈料今日又爆出Mandy Lieu有可能懷有第二胎,所以才會高調返港。睇到呢到,相信大家第一時間諗「唔係掛?」,不過大家諗吓,上年Heidi同Mandy Lieu同一時間大肚,都巧合到不得了,所以真係咩都有可能發生喺佢哋身上㗎。
不過今早洗米華在機場被問到Mandy是否又陀B時,他就煩躁地話「唔知!唔知!」,唯一可以保證的是大家今後仍然有花生食。