【now.com】陳偉霆（William）和蔡卓妍（阿Sa）早前宣布分手，結束5年情，更在微博發放分手聲明。有人話，扯，根本男的痴埋去就是想紅，現在紅了當然就飛你啦。即如果是真的話，比起看不起這種做法，我更詫異如此老土的招數，原來仲work！又看看大陸，很多人在討論，雖然這件事香港人不算太關心，但最重要是大陸fans叫好，叫好，William的網劇收視就有momentum上升，阿Sa年底的Twins 15周年演唱會亦有話題。愛情這回事真令人感慨，一齊固然開心，就算係分手，只要分得有計劃，原來真係會雙贏的。
其實不只雙贏，連唱片公司一起計，就是三贏，起碼知道以前常用的炒作招數，返大陸都可以繼續用，何其勵志！
他們在聲明中自稱「決定了以最和平的方式分開」，到底什麼狀態下的分手才是最和平的分手？大概就是兩個人夾埋發同一篇分手聲明，真正離婚都未有咁專業。上次阿Sa離婚記招，鄭中基都喊到失晒儀態，邊有今次咁瀟灑？兩個人在一起5年，一句分手，冇鬧交冇互數冇撕心裂肺，只有安安靜靜一起發一篇分手聲明，或許有人覺得這樣很和平，但在我眼中只有悲哀。
二人分手的原因暫時是一個謎，有說是因為William有新歡而分手，雖非完全冇可能，但太不合情理。這兩人從一開始走在一起就夠難，首先這是一段為世俗鄙視的姐弟戀，然後當時二人一個失戀一個失婚，阿Sa的壓力固然大，William從一段女尊男卑的感情，換成另一段女尊男卑的感情，亦不見得好過。有過這樣曲折的經歷，再頂著如此大的壓力而成就的感情，若相信會為幾個大陸整容少女而飛起阿Sa，老實說有點睇小他。
換轉阿Sa飛William，也講不通，冇幾耐前才了結一段4年婚姻，現在又去怒斬5年感情？加埋共9年時間，是個絕對艱難的決定。所以，阿Sa跟William今次分手，應該是假的，又或者，一開始拍拖就是假的，總之是但一樣假，我是這樣猜。
文：魯連
〈娛樂乜乜乜〉逢星期一至五刊登
將每日的娛樂熱話，以全新角度為大家點評，大膽假設，細心求笑，希望滿足到去到邊度都好鍾意睇娛樂新聞的你。
相關新聞：
